味為鮮 (已結業)

經開女人街見到有間廣西桂林米線，好似幾吸引，因為本人非常鍾意食米線，見到咁特色，於是入去試吓啦。一入到去，餐廳見面不大，但是坐得幾舒服，老闆態度好親切，主動介紹有什麼特色菜，依度的米線價錢非常親民，揀了出名的老友記牛肉米線，和醬香抓骨米線。叫多一份雞翼小食。等了一會，米線上台了，廣西米線之前在深圳食過，在香港少之又少。這裏的賣相好吸引，老友記牛肉米線係王牌，酸酸辣辣，桂林米線口感和香港食到的米線完全不同，滑得來又夠晒煙韌，最值得一讚的是湯底，朋友平時完全不會飲湯底，今次都飲晒，完全冇味精，好香的豬骨酸辣味，口味正宗桂林米線風味。如果唔食辣的，就可以試吓我這碗醬香抓骨米線🍜兩大夠長香骨，附上手套，都夠晒細心，米線是清湯底，清清甜甜，醬香骨滷得非常入味，唔錯。最值得一讚的是附送的那杯茶，不是普通的茶，是他們自家煲的羅漢果茶菊花涼茶，真係要支持下本土小店，從心出發，食等你食完酸辣米線，飲番杯涼茶不用上火。