J.Co Donuts & Coffee (已結業)

同事又散水派餅，向全公司派 j.co donut, 推住成架車擺滿餅比我地任揀，好有派頭。個個都問邊度買，咁靚。佢就話晌灣仔既呢一間。成日都要食散水餅，今次最好食😂 唔似高登仔話每人派細細粒水泡餅咁驚人我揀左陰與陽 （Yin & Yang), 貌似朱古力donut, 問買果個同事，佢話佢都唔知係咩，即係無食過，仲叫我食完話返比佢知。咁我地無合作過宜家又派完餅走，唯有睇下你會唔會睇到呢篇openrice😂 明明晏晝已經飽到就快反艇，仲要食散水餅。唯有拎完放晌枱面，等肚餓先食。不過一直放晌枱面，就一直就陣陣香味撲鼻，令人好難集中精神做野😂原來面個層陰陽效果，一半係糖霜，另一半係朱古力粉。為左黏住呢兩款裝飾霜粉，有一層咖啡味既paste。成個donut包都好鬆軟，亦有淡淡甜香。但單單得咖啡味又點可以叫陰陽呢，食到中間既時候竟然有香甜既 earl grey cream 溢出黎，同咖啡味成為雙重味覺配搭，好驚喜！ 世界級好食，一定要食，亦令我對donut 既印象完全改觀。原來donut可以咁極緻，咁好食。可能係我太誇張，但大家試過先講啦😂係我衰😂 影唔到個donut好靚。但我會想直接到店食其他口