樂天皇朝 (利舞臺廣場) (已搬遷) 新店位置

之前帶過媽咪食樂天其他分店，佢一直念念不忘～今日黎銅鑼灣行完街，決定encore !!好！試下唔同野食先，首先呃左媽咪陪我食呢個四川水煮牛肉$188其實兩個都唔太食得辣，但係太好味嘅關係，加上邊飲住凍豆漿解辣，最後差不多清晒～牛肉片份量都幾多，無筋又夠淋，仲有滑滑幼薯粉、芽菜、百頁，揀左少辣其實都食得到～好飽唔食辣食呢個期間限定嘅黃魚煨麵$88又係正，我地唔知水煮牛肉份量咁多，所以落單時叫埋呢個麵..煨麵吸晒黃魚嘅味，唔會湯還湯麵還咁，而且麵又滑魚味又濃，仲有幾片煎香左嘅黃魚同埋雪菜，飲埋個湯先唔會浪費～皇朝小籠包$98呢個八色小籠包唔洗介紹都知係招牌菜～包括白色原味、翠綠色人參味、淺啡色鵝肝味、深黑色黑松露味、黃色芝士味、橙啡色蟹粉味、灰色蒜香味和紅色麻辣味，味道由淡至濃食起～肉碎乾煸四季豆$75應該加左咸魚粒一齊炒，配埋四季豆極惹味！宮廷驢打滾$38每次都必食嘅甜品，用糯米卷住紅豆蓉再灑上豆粉，糯米入口軟綿綿，依然係我地兩母女嘅最愛！畫上完美句號。