芝加哥串燒酒場 (太和中心)

🍻 今日朋友話想食串燒，但係住喺大埔嘅佢好懶，又唔想去到旺角、尖沙咀嗰啲地方食，問我點算好，講起串燒，我當然會介紹位於太和中心嘅芝加哥串燒。🍽️ 咁啱朋友又未食過，所以更加要同佢去試一試，今次朋友發板，叫咗一啲我之前都未試過嘅食物，例如芝士年糕，孜然午餐肉、芝士黑松露大啡菇等等。📝 餐牌每次都有新驚喜，今次又多咗幾款新食品。🍛 如果覺得串燒唔夠飽，其實餐廳都有主食供應，想飽肚又得，想輕食又得。🍢 碳燒牛扒、燒多春魚、燒鵝肝、燒鵪鶉蛋、燒牛舌、燒雞皮、燒雞賢、燒午餐肉、芝士黑松露大啡菇、茄子燒、燒鮮鮑魚、芝士年糕。🍢大啡菇上面啲芝士同黑松露超邪惡，不過就好好味 🤤 估唔到午餐肉用孜然燒完之後都幾正，而且重係厚切添 😋 其他串燒亦 Keep 到住一貫水準。🍺 飲品就叫咗黑加倫子啤酒，味道唔錯甜甜地，下次可以試下桂花味，不過就掛住飲唔記得影相 😝 朋友就叫咗杯清爽口味嘅 Mojito。