莎樂美餐廳

營業中

休息中

今晚同女友來o左呢間店到据扒,等o左半個鐘先有位,好啦,我叫一個聖誕大餐,有火雞沙律,一個蘇皮湯,一個龍蝦加牛扒,一杯紅酒,一個甜品,一杯凍飲,仲,有聖誕禮物包,都只係178.....我女友就叫o左個牛柳餐,有餐湯有麫包,一碟鐵板上o既牛柳,一個甜品,一杯凍飲,都係$105,好啦,好快就上菜,個火雞沙律o既份量好多,如果係女仔o既話,食完應該唔洗食其他野,蘇皮湯都算唔錯,d料超多,個龍蝦加牛扒就真係勁啦,有半邊龍蝦,仲有一大塊西冷扒,好好食,分量都算誇張,食極都仲有;我女友果碟牛柳都唔弱,有兩大件好厚o既牛柳,佢最後都食唔曬,要我幫佢食埋,我地已經冇食佢地o既偑菜(偑菜係一大舊薯仔),佢d牛柳好有牛味,而且都ok嫩,必試!呢間野o既食物o既份量同水準都出名勁,之前來都覺得唔錯,今次比之前來果o既次更加多,而且仲保持到個水準,非常好,真係值得一讚,香港係需要呢類心機食店o既!