騷 (已結業)

最近返工好累，除了想食好西以外，仲想飲返支啤酒，舒解一下心情。今晚即興約咗一位朋友來到尖沙咀諾士佛臺嘅一間樓上酒bar餐廳——騷。由於時間尚早，晚上六點九就到達，所以我同朋友可以話包場，哈！不過，過咗七點後，人就開始多了。雖然地方唔大，得十張八張枱，但勝在環境好舒服，係唔錯嘅清bar之選。個人對手工啤情有獨鍾，今晚就試咗Palm Special Belge同Pink Killer。Palm Special Belge外觀呈清澈嘅琥珀色，聞起來有少少焦糖嘅香氣，泡沫較少，係一款典型比利時啤酒。至於Pink Killer，果味比較重，味道偏甜，好易入口，飲完一支會想再飲。食物方面，個人認為媽媽雞翼係必試。因為真係好味！一份有四隻，隻隻都炸到金黃鬆脆，但內裏又juicy，配啤酒絕對啱曬！晚餐當然亦唔少得主食，朋友叫咗香蒜巴馬火腿意粉，蒜味唔會太勁，唔會搶走巴馬火腿嘅風乾肉味。我就叫咗黑松露大啡菇意粉，一見到兩片大啡菇，已經覺得吸引，菇味香濃，意粉軟硬適中，即叫即整，味道都算唔錯。下次再約朋友喝酒吹水，都可以再黎！