新記煲仔雞粥 (已結業)

天氣咁凍除咗鍾意打邊爐之外，其實我好鍾意食粥。食粥我通常幫襯小店，唔係好鍾意幫襯大財團。而家搵間小粥店真係唔易，好在元朗都有唔少， 其中一間係元朗新記，有十幾年歷史！咪睇新記舖仔細細，入面可以叫嘅菜式真係比得上一間茶餐廳！ 生滾粥，小菜，小食，炒粉麵飯應有盡有，非常厲害！天氣咁凍，梗係要食番個招牌雞粥！因為我好鍾意食豬潤，所以叫咗個貴妃雞豬潤粥$54， 另外叫多個海鮮粥$63。每盤粥份量都有四五碗仔，加埋夠哂3，4個人食。雞粥啲雞好香嫩， 海鮮粥入面有幾隻蝦又有蟹，雞粥同海鮮粥粥底好綿！呢度仲有乳鴿叫，$51 一隻，炸到皮脆肉嫩，夠哂味唔使落准鹽。整多客炸雞亦，$26有5隻，新鮮炸起熱辣辣，炸得幾靚。食飽飽加多杯熱柑桔蜜$14潤一潤。