德國餐廳 (翠怡花園) (已搬遷) 新店位置

今次去到大埔中心附近一間德國餐廳，餐廳位置好易搵到，位於地舖，而且喺大埔鬧市中。餐廳裝修環境好有特色，門口有一個開揚嘅酒吧空間，座位更有開放式選擇，裝修設計以德國國旗嘅三種顏色為主。首先不得不叫一杯冰凍1664 Blanc 啤酒，飲一啖心曠神怡，而啤酒種類繁多，任君選擇。繼而叫咗一份沙律前菜同埋炸豬手。西班牙風乾火腿凱撒沙律🥗賣相非常吸引，有好多風乾火腿鋪滿沙律面頭，仲有好多芝士粉、麵包糠同埋青瓜片等，蔬菜沙律非常新鮮，咬落去好爽口，味道鮮甜。最後朋友叫咗一杯棉花糖朱古力潤潤喉嚨。總括而言，食物好有德國菜嘅特色，而且係即叫即整，非常新鮮。