正一冰室 (已結業)

馬鞍山係美食沙漠唱到街知巷聞, 呢日同屋企人過開黎。知道恆安市場整左幾檔熟食, 食過又ok 喎。

餐廳室內企理乾淨, 都幾舒適。
食物種類就係冰室大路款式啦。

叫晚市小炒先黎個例湯。味道不太鹹。

跟住黎個海鮮瓜粒泡飯。 賣相唔錯喎。

都幾多料, 有蝦有魚, 味道新鮮, 而且好多瓜, 健康之選。

再黎一個海鮮粉絲煲~~
魷魚大大條, 好野味, 而粉絲吸晒海鮮精華, 正!

再黎一個黑椒牛柳粒!
黑椒味勁濃, 牛柳夠冧, 啖啖肉啊～

最後黎一個刴椒蒸魚下巴~~
配料香辣加滑嘟嘟蒸大魚。送飯一流!