松記糖水店 (已結業)

呢間都算係我心目中數一數二既甜品店，如果去深水埗，我一定會去，就算吃得飽飽，都一定會去買外賣。其實甜品唔算好特別，但就勝在價錢合理，食物也新鮮，份量也充足…..相比去乜記物記，食個班㦸成三十蚊，呢度算相當抵食啦！雖然姨姨們總係好像有點趕客，例如一入去，就會有人企起你隔離，好似催你叫嘢…..一放低隻匙就即刻攞走等，但肯定佢哋態度都係好好的。如果喜歡熱食，湯丸係我既首選，皮夠煙韌、饀也多但唔係好甜，至於乜嘢饀好食就見仁見智，因我本身唔好豆沙，所以我會揀奶皇同芝麻。凍食我一定推介馬蹄露，蛋花馬蹄霞都只係9元，加水果就13元左右，都算好抵，馬蹄露好清新，又係唔會太甜，馬蹄份量都多，不會像街邊的落咗好多馬蹄粉。另楊枝金露又係又平又好味，有樣特別的叫琉璃，透明煙煙韌韌又係唔錯。唯一我覺得差小小雪糕，似係牛奶公司果 d，奶味超重！