影片
更多
2021-07-05
126 瀏覽
今日又係兩公婆拍拖既日子，想早啲食完返屋企 ，所以七點鐘已經係餐廳坐定定。平時同小朋友食飯，想食熱氣辛辣過癮食物完全唔洗諗。 因為路過新都城，超市對出一帶既餐廳裏面，我地諗都唔諗就去食南洋茶室（因為好想食喇沙同馬拉奶茶…🤤）。 今次我都係第一次幫襯，因為時間尚早，唔洗點等位就入得，我地好好彩，因為之後餐廳坐滿晒人！招牌喇沙呢間餐廳用QR code 落單，有WiFi 提供，餐牌好細心，可以揀麵既種類，我地唔知何謂滲滲，店員好有禮貌解釋係米粉配油麵。咁如果怕肥既人士可以揀米粉，大食既人就可以揀油麵😂😂😂。 我地又大食又怕肥，所以揀左滲滲。😂😂 喇沙大大碗，材料豐富，有蟹柳，魷魚，大蝦兩隻仲有啲魚片添！湯底好香濃，入口唔辣有椰香味（我地揀少辣）配埋吸收晒湯底的油麵，會令人越食越想食！招牌亞金海南雞飯我怕肥怕熱氣，所以”清清地”叫左個海南雞飯，竟然有得加10蚊要雞脾，仲可以揀椰漿飯，但我最後都揀左傳統既油飯😆。無骨雞髀啖啖肉，食落嫩滑彈牙唔會老又唔見骨，點埋豉油或者辣醬更一流，會不停咁撈飯食！跟餐仲可以平價加小食所以我哋叫左玻璃魷魚通菜同香茅雞翼，玻璃魷魚輕輕灼過，配埋秘制辣醬，食落爽口唔韌
今日又係兩公婆拍拖既日子，想早啲食完返屋企 ，所以七點鐘已經係餐廳坐定定。
平時同小朋友食飯，想食熱氣辛辣過癮食物完全唔洗諗。 因為路過新都城，超市對出一帶既餐廳裏面，我地諗都唔諗就去食南洋茶室（因為好想食喇沙同馬拉奶茶…🤤）。
今次我都係第一次幫襯，因為時間尚早，唔洗點等位就入得，我地好好彩，因為之後餐廳坐滿晒人！
招牌喇沙
呢間餐廳用QR code 落單，有WiFi 提供，餐牌好細心，可以揀麵既種類，我地唔知何謂滲滲，店員好有禮貌解釋係米粉配油麵。咁如果怕肥既人士可以揀米粉，大食既人就可以揀油麵😂😂😂。 我地又大食又怕肥，所以揀左滲滲。😂😂 喇沙大大碗，材料豐富，有蟹柳，魷魚，大蝦兩隻仲有啲魚片添！湯底好香濃，入口唔辣有椰香味（我地揀少辣）配埋吸收晒湯底的油麵，會令人越食越想食！
招牌亞金海南雞飯
我怕肥怕熱氣，所以”清清地”叫左個海南雞飯，竟然有得加10蚊要雞脾，仲可以揀椰漿飯，但我最後都揀左傳統既油飯😆。無骨雞髀啖啖肉，食落嫩滑彈牙唔會老又唔見骨，點埋豉油或者辣醬更一流，會不停咁撈飯食！
跟餐仲可以平價加小食所以我哋叫左玻璃魷魚通菜同香茅雞翼，玻璃魷魚輕輕灼過，配埋秘制辣醬，食落爽口唔韌兼惹味！唔錯！
香茅雞翼脆卜卜，食雞翼最怕調味去晒雞皮，但雞肉無味。 呢度既雞翼做得唔錯，調味唔算重，啱啱好夠味。
飲品方面，梗係想試下馬拉奶茶！ 無港式奶茶濃澀堅實的風味，換來溫柔茶香奶滑微甜的風味，其實同成餐飯係一個好好既配搭！
估唔到呢度仲有得叫特飲同甜品食，花多眼亂，最後店員推介我地試下佢既甜品，星加玻摩摩喳喳，價值$35大大碗可以兩人分，成碗甜品有香芋丸，蕃薯丸，紅豆，涼粉及椰奶。 本身好怕呢類甜品會太甜膩，估唔到事實係呢款甜品甜度啱啱好，清新食（體重）零負擔😂😂。各式丸類一口一粒，煙韌Q彈,配埋紅豆涼粉口感豐富。可以再encores!!
下次我想食喇沙，一定會再黎，好味又選擇多，價錢實惠，地點又就腳！下次仲想試埋其他菜式添！
張貼
