影片
更多
2021-11-25
126 瀏覽
食評大比數讚賞這間標榜養生的火鍋店， 當然要來會一會啦！兩對夫婦相約專揀閒日中午來吃到飽，貪閒日冇咁多人，1930前結帳有8折嘛！咁就決定食足6個鐘，齋坐飲野都抵返啦！馬祖位處旺角地鐵站出口，又係食廈之內，好彩閒日吾算多人，散席落樓就見人龍排隊搭𨋢，每次見到食廈情景，都停下來諗諗，萬一dudu，走吾走得到呢？香港人通常都為左食好西，該屎吾使病。火鍋店環境算乾淨和光線充足，坐位就略嫌細左dd，食材唯有搭到高高層層疊。我們坐係窗口位置，如果拉高窗簾，可以望望街景，氣氛都吾錯。火鍋前送來一客即炸薯條，幾種味粉，好味道。火鍋配給薯條，都係第一次見，可惜是限配，否則應該會再來一客。養生鍋賣點應該是湯底和健康食物掛！湯底幾正，暫時食過不同火鍋店之中最佳湯底，今次點了個椰子雞湯，可以齋飲湯都ok。食物方面，牛頸肉正常水準，虾就很新鮮，每人平均起碼食左10隻，可惜老細有點孤寒，點2份或點4份，每次只有6隻上枱，要不停order。朋友獨佔愛雞脾肉，話又滑又好味，但不是我杯茶囉！其他食材例如手打丸類、魚類等，我只評為正常啦！驚喜欠奉囉！略嫌吾夠厚切，例如午餐肉、台灣腸、鱔片...切得太薄會減低「咬口」嘛！
馬祖位處旺角地鐵站出口，又係食廈之內，好彩閒日吾算多人，散席落樓就見人龍排隊搭𨋢，每次見到食廈情景，都停下來諗諗，萬一dudu，走吾走得到呢？香港人通常都為左食好西，該屎吾使病。
火鍋店環境算乾淨和光線充足，坐位就略嫌細左dd，食材唯有搭到高高層層疊。我們坐係窗口位置，如果拉高窗簾，可以望望街景，氣氛都吾錯。
火鍋前送來一客即炸薯條，幾種味粉，好味道。火鍋配給薯條，都係第一次見，可惜是限配，否則應該會再來一客。
養生鍋賣點應該是湯底和健康食物掛！湯底幾正，暫時食過不同火鍋店之中最佳湯底，今次點了個椰子雞湯，可以齋飲湯都ok。食物方面，牛頸肉正常水準，虾就很新鮮，每人平均起碼食左10隻，可惜老細有點孤寒，點2份或點4份，每次只有6隻上枱，要不停order。朋友獨佔愛雞脾肉，話又滑又好味，但不是我杯茶囉！其他食材例如手打丸類、魚類等，我只評為正常啦！驚喜欠奉囉！略嫌吾夠厚切，例如午餐肉、台灣腸、鱔片...切得太薄會減低「咬口」嘛！整體食材都算新鮮的。
飲品有幾款自家制的茶類，汽水就正常款式。醬料不算太咸，味精也不算太勁，故此餐後都未需要狂灌水解渴。全餐只飲了5罐飲品，肥仔朋友好似飲左7-8罐。
綜合評價，食物質素算不錯，價錢就貴左少少，但最抵係可以由中午1200點食到1930，我地兩對夫婦就邊食邊坐邊吹水...都玩足6粒鐘，早午晚三餐變成一餐攪掂，仲吾係馬拉松式火鍋放題咩！心滿意足矣。
張貼
