蘇媽.蘇媽馬來西亞茶餐室 (已結業)

之前去咗尖沙咀行街咁啱見到有一間馬來西亞嘅餐廳，咁我見好耐都冇食馬拉嘢，就入去試試佢。間嘢叫蘇媽馬來西亞茶餐廳。入咗去蘇媽馬來西亞茶餐廳點咗佢個肉骨茶同埋辣死你嗎配牛肉嘅。 咁佢嗰個肉骨茶， 如果你飲晒啲湯你可以要求嗰個職員呢幫你再refill。雖然之前未去過當地馬來西亞飲肉骨茶，但係感覺上都好正宗，個湯好重藥材味飲完又唔會渴喉。飯呢都幾得意嘅咁佢有啲魚乾仔，同埋有啲蝦片，佢個醬有少少辣同甜甜地都幾好食！總括嚟講間嘢嘅性價就好高，嘢食嘅質素都唔差，員工嘅態度都幾好，環境就中規中矩。有機會嘅話會再嚟食。