Brick by Brick (已結業)

中環士丹利街 又一間隱世馬來西亞餐廳，中環站行過去只需要十分鐘路程。 經扶手電梯上天橋行過去十分輕鬆方便，去完大館打卡過嚟食剛剛好。 餐廳行西式休閒風， 裝修舒適簡潔明亮， 衛生狀況亦十分良好 ，係同朋友食飯聚會嘅好地方。今日食佢嘅lunch set揀咗佢嘅火熱砂煲肉骨茶跟白飯， 叫火熱砂煲真係成個沙煲上，上嘅時候仲滾燙冒煙， 馬來西亞肉骨茶好重中藥味 ，呢一個除咗中藥味食到最後仲會有淡淡嘅胡椒味，初時諗夏天食肉骨茶會好燥熱，但係經侍應介紹先知原來女性食肉骨茶係十分滋補有祛濕功效， 所以佢建議食完要飲埋個湯。 佢嘅湯煲到好好味，中藥同肉香十分夾， 而且同出面嘅肉骨茶唔同， 佢唔係用排骨去整而係用豬軟骨， 所以成個肉排都可以食到，唔會太多骨得好少肉， 最欣賞係佢仲有一個 蒜蓉醬呢點排骨， 完全提升咗肉排嘅香味。 仲有脆脆嘅油炸鬼索咗肉骨茶嘅湯汁，十分好味。泰式香茅班蘭葉薑茶， 淡淡嘅香茅班蘭味融入喺薑茶之中有種喺泰國做完spa之後出嚟飲返杯薑茶relax嘅感覺。 即使唔鍾意薑味嘅朋友，亦都唔需要擔心佢嘅薑味唔算好重。