影片
更多
2021-03-18
736 瀏覽
計一計,都有成20年無嚟過九龍地廣場!今次嚟九龍城廣場全因為嚟哩區幫客人睇風水, 女主人想話裝修吓間屋, 但男戶主則唔想攪, 於是乎女主人想我順便幫忙講兩句好話, 哩層當然無問題啦!攪掂完之後, 兩公婆話要傾傾, 我亦都唔阻住人地, 快快同小師妹助手離開.因為...... 佢地兩公婆俾我強烈山雨欲來之感.之後同助手去醫肚, 問佢有咩提意, 小師妹助手提意去八方!小師妹都好中意去台灣旅行,依家去唔到台灣,就去D台灣餐廳食台灣菜當係去咗台灣.哩間八方, 同八方雲集有明顯分別, 但食物又好近似!原本想點麵線, 但超到隔離枱碗肉燥麵外相又好鬼吸引喎!麵線!肉燥麵!點㨂呀?唔通食碗麵都要起卦?最後都㨂咗肉燥麵, 原因係.... 未食過！另外點咗鍋貼, 香酥豬扒, 小師妹側點咗雲吞麵.試咗小小雲吞麵嘅湯底,雖然紫菜份量唔多, 但紫菜味濃, 顏色帶少少奶白, 感覺似魚湯, 味道適中唔會太咸.而兩碗麵嘅麵質相同.肉燥麵無咩湯水, 正確應該叫肉燥撈麵, 麵質軟滑, 肉燥味帶甜, 最特別係肉燥外表唔睇好但一D都唔柴口硬口! 滿意!最最最難忘都係塊豬扒, 口感完全唔似食開嘅豬扒! 外表無點落炸醬但極脆口,
今次嚟九龍城廣場全因為嚟哩區幫客人睇風水, 女主人想話裝修吓間屋, 但男戶主則唔想攪, 於是乎女主人想我順便幫忙講兩句好話, 哩層當然無問題啦!
攪掂完之後, 兩公婆話要傾傾, 我亦都唔阻住人地, 快快同小師妹助手離開.
因為...... 佢地兩公婆俾我強烈山雨欲來之感.
之後同助手去醫肚, 問佢有咩提意, 小師妹助手提意去八方!
小師妹都好中意去台灣旅行,依家去唔到台灣,就去D台灣餐廳食台灣菜當係去咗台灣.
哩間八方, 同八方雲集有明顯分別, 但食物又好近似!
原本想點麵線, 但超到隔離枱碗肉燥麵外相又好鬼吸引喎!
麵線!肉燥麵!點㨂呀?唔通食碗麵都要起卦?
最後都㨂咗肉燥麵, 原因係.... 未食過！
另外點咗鍋貼, 香酥豬扒, 小師妹側點咗雲吞麵.
試咗小小雲吞麵嘅湯底,雖然紫菜份量唔多, 但紫菜味濃, 顏色帶少少奶白, 感覺似魚湯, 味道適中唔會太咸.
而兩碗麵嘅麵質相同.
肉燥麵無咩湯水, 正確應該叫肉燥撈麵, 麵質軟滑, 肉燥味帶甜, 最特別係肉燥外表唔睇好但一D都唔柴口硬口! 滿意!
最最最難忘都係塊豬扒, 口感完全唔似食開嘅豬扒! 外表無點落炸醬但極脆口, 豬肉入口即溶, 哩塊豬扒有驚喜!
人生有兩件大事, 可以嘈到拆天! 第一係結婚擺酒, 第二就係買樓裝修, 個麵都未食完, 就收到兩個婆個女 WhatsApp 報料話爹D媽咪兩個嘈緊....
唉..... 何B呢.....
張貼
