蕉積妹 (已搬遷) 新店位置

去到葵涌廣場，掃街都係必要。蕉積妹聽名就知道，主打係香蕉，已買煎餅炸鮮奶等等甜品做招徠。第一次嚟到梗係要試吓佢嘅招牌菜。簡簡單單點咗一個香蕉煎餅，當然要揀最有保證嘅榛子醬，應該點都冇得輸。舖頭細細，即叫即整，可能時間尚早，唔算好多人等，不過都要15分鐘。煎餅熱辣辣，酥皮非常鬆脆，不過略嫌有點油膩。香蕉味唔算濃郁，餅皮非常趣薄。榛子醬配上煉奶，味道非常配合，不過一人份量略嫌太多，要同朋友一齊開心share就更加好。另外加咗$10配上玫瑰花茶，用熊仔入樽，影相呃like，一定唔可以錯過。好在加咗支茶，食完甜品再飲茶就啱啱好啦。