紫蘭花 (已結業)

今日去完鋪點完數就走左，收得早未夠鐘接女人放工就公司阿妹食個下午茶，叫左個冬陰公炒飯加香茅特飲，阿妹話唔係好餓叫左幾串串燒。等野食之祭，見到有山竹汁？未飲過，不過已經叫左香茅特飲就費事轉，我估女人應該會鐘意。香茅特飲望落似意米水，飲落真係有香茅味，唔係太重口味，淡淡地但你會係喉嚨度feel到有淡淡既香茅味，真係估你唔到又幾過引。雞肉冬陰公炒飯，個形唔多似炒，好重冬陰公味，好足冬陰公料，不過過咸。阿妹個龍眼冰特飲有好多粒龍眼係杯底，佢話夠甜好飲。沙爹雞同牛串燒，牛肉燒得好香但唔鞋，雞肉夠嫩，加上沙爹汁有小甜，好似中和左燒烤既熱氣。墨魚丸串燒有三大粒，不過睇落𠱸唔似燒烤，咬開墨魚唔少，又夠彈牙，呢個我肯定女人鐘意。擺係門口既原來就係山竹汁，睇落個賣樣真係幾似米漿，外賣左一支俾女人，因為我覺得佢會鐘意。