海街丼 (海光街) (已搬遷) 新店位置

喺鰂魚涌一帶想食到質素高, 而價錢又不會離地嘅日本魚生飯, 呢間位於海光街嘅海街丼係唔錯嘅選擇。特上海寶丼 $210有別於一般日式餐廳, 海街丼嘅水產食材係店主直接由日本取貨, 用料新鮮, 性價比亦不錯。海膽質感濕潤, 味道濃郁, 甜蝦晶瑩剔透, 十分鮮甜, 拌起其他水產, 口感層次豐富。店員仲細心介紹丼飯嘅3個食法, 第一食, 先以芥末同豉油, 帶出水產原有鮮味, 第二食, 加入餐廳自製嘅壽司醋啫喱, 提升飯香。 好好品嚐一會, 食到一半唔好忘記第三食！將暖壺內嘅魚介出汁混入飯中, 令整個丼飯更香濃鮮美。