八沢 (霎東街) (已結業)

呢到最出名既係連續六年銷量第一位既黑松露忌廉海鮮烏冬$98奶白色既忌廉湯有好重奶油味，好濃郁creamy，湯底本身已經有好香既黑松露味，撈埋放係面黑松露醬就更香！烏冬外型扁身，煮得煙韌彈牙，連埋湯一齊食入口好順滑。海鮮有兩大隻帶子同三文魚，帶子新鮮彈牙，三文魚肉質鮮嫩，入口即溶，仲有淡淡魚油香，食哂成碗麵飲左大半碗湯都唔會覺得膩。黑安格斯肉眼牛扒飯 $98黑安格斯肉眼牛扒肉質鮮嫩，火喉煎得岩岩好，仲有少少肥膏都煎得好香，點埋酸酸甜甜既醬汁可平衡番牛扒既油膩感。