才哥蝦麵 (已結業)

去到大角咀區搵食，發現有間小店，專食蝦麵、海南雞飯等等。招牌蝦湯麵（$58）蝦湯蝦味好濃郁，配料有雞蛋、豬頸肉、豆卜，當然仲有主角鮮蝦，湯底可以一飲再飲，仲可以轉兩溝（摻摻）：即係油麵加米粉，更有口感。招牌去骨雞（$45）海南雞肉已去骨，啖啖肉，好滑！配黑醬油或薑蓉辣醬都好好味。牛三寶飯（$58）牛三寶即係牛舌、牛筋、牛肚，份量幾足，大大件，全部都好入味。凍蜜糖桔仔水（$7）加$7的凍飲，消暑一流。