特濃朱古力蛋糕($110)，身為朱古力控嘅我一定要揀朱古力味。外觀唔花俏，一咬好鬆軟，有奶香再配上濃濃嘅朱古力味，中間仲夾住流心嘅朱古力餡。
沖繩紫薯撻($22)，20幾蚊有一個咁靚嘅撻係平常之抵，除咗平同靚，食落亦都好高質。上面嘅紫薯淡淡唔太重，好香滑，撻底非常鬆脆。
紅桑子朱古力撻($25)，寫住係新出一於試下，如果成個都係朱古力會有啲膩，加咗酸酸甜甜嘅紅桑子，解膩之餘仲令口感升華。
照燒牛肉批($22)，一拎上手就好燙，真係新鮮焗起。外表焦脆焦脆，入面嘅餡料非常豐富，係牛肉洋蔥同蘑菇，份量十足，食一個已經好飽！
