笑林寺

營業中

休息中

到訪笑林寺冇十次都有八次。雖然佢個名好中式，店內裝潢同餐具都切合佢個主題，不過佢係一間徹頭徹尾西餐廳尼架🤣🤣由於本人唔食牛，所以食得最多就係草上飛（大菇青醬意粉）。醬汁夠濃意粉軟硬度恰到好處，真心每次食到最後一啖都唔捨得食哂 🤣🤣試過同朋友尼，試過all day breakfast同bagel，都係坊間水準之上，朋友都好滿意！飲品方面，我每次都嗌熱朱，坦白講冇乜驚喜，但朋友都話佢地既咖啡好唔錯～由於佢唔係喺銅鑼灣核心地段，所以除左平日既lunch time，每次尼幾乎舖頭都唔滿。雖然會少少擔心佢生意，但心入面都想佢保持衣種可以比客人舒服坐幾個鐘既好處！而且店員從不趕客，所以如果尼開銅鑼灣，想同朋友搵一個地方坐幾個鐘，又有優質意粉食，絕對推介衣間小店！❤️‍🔥