蘇媽.蘇媽馬來西亞茶餐室 (已結業)

講起馬來西亞菜，一定諗起呢一間「蘇媽蘇媽」，基本上可以話係香港馬來菜始祖，味道正宗而且分店又多。肥仔今日放工就想嚟仼飲肉骨茶了！🇲🇾椰香咖央多士必食推介，肥仔每次黎都必叫！烘脆咗嘅多士入面夾住厚厚啲牛油同咖央醬，香氣撲鼻。影相影耐咗，職員仲會提襯熱食，費事放耐咗會唔脆添。🇲🇾百吉爹肉骨茶（豬腳彎）以性價比來講，呢個肉骨茶係相當高，因為58蚊可以全程無限添飲！職員仲不時攞住熱壺問係咪需要加添，好主動！肉骨茶材料頗多，有四五舊豬腳彎，肉質頗為腍身。肉骨茶湯入口先咸後澀，喝進喉嚨先感受到絲微苦澀，藥材味不算重。🇲🇾高佬麵配雞扒個麵好大份，偏甜辣，隻蛋個生熟程度剛好，撈麵食中和了甜味。塊雞扒熱辣辣剛煎好，超級大塊，外皮脆口，一咬啲肉汁就咇得出嚟！🇲🇾檸檬薏米水下雨天，飲番杯檸檬薏米水最啱，去水腫除濕氣，養生！總結，食物大份抵食，環境舒適，係喺香港嘅馬來西亞菜必食嘅一間！