影片
更多
2019-07-02
105 瀏覽
今日同男朋友去食泰國菜，因為呢日係我地紀念日，所以大家都想食好D。以前我會同屋企人去九龍城食黃珍珍，屋企人好鐘意佢比較舒適既裝修。而家先知原來佐敦開左分店，所以我同男朋友揀左去佐敦，因為個地點比較方便。無耐之前我地去泰國旅行，係大城食左我地人生食過最好食既燒大頭蝦，所以我地兩個對大頭蝦都有小小念念不忘。見到有咖哩大頭蝦，我地就即刻決定要食！在場既侍應全部都係泰國人，件事都幾有泰國風味既。泰式炒椰菜苗 本來我地打算叫飛天通菜，但因為小小病唔想食太辣，就叫左呢個泰式炒椰菜苗。椰菜苗既特色就係佢唔會炒得太過淋身，呢度都做得幾好。所謂泰式，姐係辣椒、大量蒜蓉、魚露、豆醬同蠔油。出到黎個味係夠既，唔送飯就咁食都唔會覺得太咸。芒果蟹肉炒飯呢個芒果蟹肉炒飯睇落唔係好大碟，但都夠我地兩個食既。入面既芒果令個飯有點點酸味，清新一D。值得一讚既係佢入面D蟹肉好多，而且仲係啖啖肉，重點係佢唔會有蟹殻。之前係泰國食蟹肉炒飯，雖然平，但成個飯都係殻⋯⋯同呢個差得太遠了。不過依個飯我地重點都係叫黎送咖喱既。咖哩炒大頭蝦登登登登！重點黎啦！超好食既咖喱大頭蝦！一上枱覺得好大碟，原來五隻大頭蝦都真係好多架，本身仲怕可
無耐之前我地去泰國旅行，係大城食左我地人生食過最好食既燒大頭蝦，所以我地兩個對大頭蝦都有小小念念不忘。見到有咖哩大頭蝦，我地就即刻決定要食！在場既侍應全部都係泰國人，件事都幾有泰國風味既。
泰式炒椰菜苗
本來我地打算叫飛天通菜，但因為小小病唔想食太辣，就叫左呢個泰式炒椰菜苗。椰菜苗既特色就係佢唔會炒得太過淋身，呢度都做得幾好。所謂泰式，姐係辣椒、大量蒜蓉、魚露、豆醬同蠔油。出到黎個味係夠既，唔送飯就咁食都唔會覺得太咸。
芒果蟹肉炒飯
呢個芒果蟹肉炒飯睇落唔係好大碟，但都夠我地兩個食既。入面既芒果令個飯有點點酸味，清新一D。值得一讚既係佢入面D蟹肉好多，而且仲係啖啖肉，重點係佢唔會有蟹殻。之前係泰國食蟹肉炒飯，雖然平，但成個飯都係殻⋯⋯同呢個差得太遠了。不過依個飯我地重點都係叫黎送咖喱既。
咖哩炒大頭蝦
登登登登！重點黎啦！超好食既咖喱大頭蝦！一上枱覺得好大碟，原來五隻大頭蝦都真係好多架，本身仲怕可能會唔夠。
佢既大頭蝦真係好大隻，完全係值得呢個價錢既！
個咖喱一上我就即刻拎左d汁黎撈飯食，佢個咖哩汁真係好正，首先佢吸左d大頭蝦膏既味，同埋佢加左好多洋蔥，青紅椒同埋蛋落去煮個咖喱底，真係好香，個味道係好豐富。用黎撈埋個飯，真係可以食幾碗。大頭蝦入面真係有好多膏，個膏加埋d飯一齊食，真係好正！
最後埋單兩個人500蚊左右，唔算貴！最後一隻大頭蝦我地已經係好飽了
張貼
