喜記避風塘炒辣蟹 (利園山道) (已結業)

今次同朋友去了這裡，就係因為朋友超喜歡這裡嘅避風塘炒蟹！除此之外就係哩個人氣優惠套餐龍蟹宴，哩個套餐，有超正喜歡嘅菜式，不過可能超抵食嘅關係，最好要訂位先！一落單後，先上了鮮淮山酸薑，味道爽口夠晒酸甜兼職醒胃！滷水鵝（例牌）接住上枱，大大碟，件件肉，滷水鵝肉十分入味，肉質軟熟嫩滑！秘製豉椒炒蜆亦十分大隻，肉質爽口彈牙，豉椒味道濃郁！燒汁野菌牛柳粒，牛柳粒配上燒汁入口味道濃郁，入口啖啖肉，肉質嫩滑軟熟！野菌吸收了牛柳粒味道更香濃！今次主角之一嘅避風塘炒辣蟹，大量爆香了嘅金黃蒜，大大隻蟹，廚師已細心將蟹殼打破，入口啖啖鮮味蟹肉個陣避風塘口味十分，真係可以將金黃香蒜配埋個懷舊鴛鴦飯一齊入口真係十分滿足！懷舊鴛鴦飯亦十分足料，有爽口大大隻蝦肉，亦有軟熟嫩滑嘅雞絲，配上白汁同茄汁嘅選擇，絕對係一個十分好嘅選擇！而椒鹽波士頓龍蝦亦十分香口，肉質爽口與香蒜口味嘅炒蟹又係另一種口味，更啖啖肉一大件要用刀叉品嘗！套餐亦有金銀蛋莧菜，將整晚香口濃味嘅菜餚平衡一下！最後還有番薯糖水送上，滋潤一下！今次原全係超級抵食嘅選擇！