Torimen (已結業)

Torimen係一間極高質素既日式串燒店，位於蘇豪區，真心覺得無得輸，比起日本好多串燒店更出色。店內裝修帶點玩味，加上唔少漫畫裝飾第一串就係呢串無敵牛脷，大多數串燒店一係燒得太乾太韌，一係太薄。呢個厚切牛脷，外表燒得極香脆，裡面極嫩滑，仲有肉汁，係香港從來未試過咁好食既牛脷。免治雞肉棒亦都係佢地另一招牌，唔係出面街外既免治雞肉棒，師傅手打將雞軟骨同雞肉打成肉棒，加埋生蛋黃，食落相對地道，同係日本近乎一樣，實在完美。荔枝豬肉卷併小蔥豚肉呢個串燒相對有返少少港式既味道，荔枝豬肉卷，甜而滑，荔枝入口爆汁。蔥豚肉突出蔥豚肉既味道，非常出色香辣炸雞同樣炸得極脆，肉汁滿溢，辣味相當突出。白鱔又係一個我認為絕對係無敵既串燒。白鱔燒得好食絕對唔簡單，師傅要掌握火候恰到好處。白鱔燒到岩岩好，帶點微燶，但白鱔肉入口全部都係肉汁，仲有少少魚脂味，想像唔到咁好味。雞皮大蝦亦都係Torimen一道有一啲創意既串燒，將雞皮包住大蝦，雞皮燒到脆口同時將油份滲入大蝦裡面，亦都保住大蝦既鮮味。入口又脆又嫩，極為享受！Torimen除左串燒外，仲有cocktail飲，呢個熱情果cocktail用上 Gin，Sake， R