紅花會 (已搬遷) 新店位置

一聽到個名紅花會就覺得係私人會所嘅感覺，估唔到係食四川菜食辣嘅地方。一入到去金碧輝煌，每一張枱都係好舒服嘅卡位，環境優美。呢排仲有一個優惠就係喺社交媒體打卡就送你一杯涼茶。-🔥水煮桂魚($428)水煮魚有兩種唔同嘅魚可以選擇，就係桂魚同埋海沙巴，聽侍應哥哥講桂魚係肉質比較滑，而海沙巴肉質就比較厚身啲。入面非常足料同埋用咗一個非常傳統嘅方式來做呢一個水煮魚，辣味非常足夠，麻嘅程度同埋四川傳統川菜都差唔多，非常惹味。-🔥蒜泥白肉相信大家最鍾意嘅辣食物莫過於蒜泥白肉，呢度嘅白肉係用咗一個比較特別嘅方式來製作。就係用博博嘅豬腩肉包住青瓜絲，食嘅時候多咗一種清新嘅感覺。-🔥擔擔面我同朋友仲嗌多咗一份擔擔面，擔擔麵嘅湯底混合左花生醬同埋辣醬，識落除咗辣味之外仲有花生嘅香味。辣嘅程度適中，相信唔點食辣嘅朋友都可以食到