影片
更多
2012-02-25
9 瀏覽
呢家店未上電視前早已經幫襯, 因為佢地d野食並係一般大家所食到o既野, 而係大家覺得驟眼睇上黎普通o既野, 而帶出唔普通o既感覺先係重點。 如果唔係老闆娘同我講, 佢地其他主打唔係賣車仔麵, 我實在好難相信車仔麵竟然唔係佢o既主打...一碗唔係主打o既車仔麵竟然做出比起出面主打車仔麵o既車仔麵更好的話, 我只係覺得老闆娘實在太謙虛。 一碗好的車仔麵, 最重要係佢個湯底有無料, 我好反感而家一d 車仔麵檔做法, 點解港式o既車仔麵要無端端加上日式o既豬骨湯, 又或者係乜野蕃茄湯上去... 完全地破壞一碗車仔麵o既本質, 既然要食蕃茄麵, 豬骨湯麵, 麻煩去一d專做呢d野o既舖頭, 而唔係一碗車仔麵可以做到。車仔麵最簡單, 亦係最容易o既湯底就係蘿蔔, 不然你加上少許腩汁都ok.. 足夠了,不要再添加其他東西上去.. 這裡的車仔麵做到.. 靚蘿蔔足夠令整碗麵都甜起黎.. 送料唔係太多選擇, 但一般車仔麵o既送都會有,例如魚蛋, 魷魚, 甚至係豬紅等... 再講多次, 呢度賣點唔係sell 車仔麵, 係度賣點係sell碗仔翅同一d粉麵仔.. 老闆娘話其實車仔麵唔係做左好耐.. 反而碗仔翅先係
一碗唔係主打o既車仔麵竟然做出比起出面主打車仔麵o既車仔麵更好的話, 我只係覺得老闆娘實在太謙虛。 一碗好的車仔麵, 最重要係佢個湯底有無料, 我好反感而家一d 車仔麵檔做法, 點解港式o既車仔麵要無端端加上日式o既豬骨湯, 又或者係乜野蕃茄湯上去... 完全地破壞一碗車仔麵o既本質, 既然要食蕃茄麵, 豬骨湯麵, 麻煩去一d專做呢d野o既舖頭, 而唔係一碗車仔麵可以做到。
車仔麵最簡單, 亦係最容易o既湯底就係蘿蔔, 不然你加上少許腩汁都ok.. 足夠了,不要再添加其他東西上去.. 這裡的車仔麵做到.. 靚蘿蔔足夠令整碗麵都甜起黎..
送料唔係太多選擇, 但一般車仔麵o既送都會有,例如魚蛋, 魷魚, 甚至係豬紅等... 再講多次, 呢度賣點唔係sell 車仔麵, 係度賣點係sell碗仔翅同一d粉麵仔.. 老闆娘話其實車仔麵唔係做左好耐.. 反而碗仔翅先係主打...
我叫左一碗響鈴, 蟹柳, 鱈魚芝士丸.米粉。 感覺上全部都無咩味, 但食落又唔同.. 響鈴以前係少有, 但而家通街都係.. ok, 炸得恰當.. 然後係蟹柳. 佢聲稱係日本黎, 不過又的確唔係你平時用魚扮蟹個種蟹柳.. 再黎係個芝士丸都幾好..
好啦.. 真係叫佢個主打啦... 碗仔翅。我同老闆娘o既心態係一致o既, 我真係好唔明一件事, 點解香港人食碗仔翅非要加醋,加胡椒粉不可? 有人話係僻醒,. 但我想講係, 香港人有時係唔識分咩叫醒, 咩叫鮮。 醒係一種臭味, 令人作嘔的, 但鮮係有一種甜味係度。 呢家真係做到叫「鮮」o既碗仔翅。 雖然話係碗仔翅, 但無用粉絲當魚翅, d翅係堅o架。 好味o既食物係唔需要用任何野去配搭的, 原味已經係最好。
然後我地又試左糖心皮蛋。 呢門野係好蝦人的, 因為皮蛋係唔係糖心係好難睇得出,到而家為止, 我試過真係糖心o既皮蛋真係萬分之一, 真係只有信個蛋商d蛋正唔正先ok.. 有d話自己係糖心皮蛋,但咬落去無味,就肯定係差的.. 同埋, 真係正o既溏心皮蛋係有種亞蒙利亞味(唔識打佢o既原字), 無o既都係唔算係. 所以食溏心皮蛋一定要連子薑食, 因為只有佢又甜又辣先可以中和度糖心皮蛋個種味.. 所以呢度o既皮蛋已經係好糖心了。
我呢幾日喉嚨唔需要, 我見佢有咸柑吉,我本來打算叫.. 點知老闆娘話「你係唔係真係喉嚨痛」, 佢即刻介紹我飲叫「篤篤」o既野飲.. 其實即係羅漢果龍眼肉水, 據老闆娘所說,佢話呢個野飲除左可以醫喉痛, 重可以清理你o既身體裡o既毒素, 有益身體.. 而且老闆娘好大方咁將個秘方教我地點番屋企整... 我覺得如果佢要呃你o既, 佢一定叫你飲咸柑吉啦.. 因為咸柑吉成22元一杯, 但篤篤只要15蚊.. 重可以任沖。 同埋,又係香港人一個好大的缺點, 潤喉o既野麻煩唔好叫凍啦.!! 凍野飲本身就係傷喉嚨的, 如果有人話你聽凍野係潤喉o既, 唔該拆佢招牌啦... 同埋呢杯野唔係汽水黎架, 普通甜已經夠啦... 而且原來某個汽水的材料.. 都係有呢種野係入面...
呢家野我好咁多次, 我都覺得老闆娘係好細心, 好親切, 同出面機械式大集團完全係兩回事!! 香港係需要多呢d店存在的。
題外話/補充資料：
老闆娘是一個熱情之人, 而且更有一種親切感。
(以上食評乃用戶個人意見 , 並不代表OpenRice之觀點。)
張貼