影片
更多
2018-06-24
333 瀏覽
香港元朗出品楊氏烏頭唔係間間潮州食店都有得食, 十里潮香係其中之一有供應, 真係 N 咁多年冇食楊氏黃油烏頭了, 今晚心血來潮.......呢間十里潮香系正SOGO 對面, 一出地鐵就係, 很便利, 佢地依加仲做緊全線9折, 更加想試。潮州菜真系好多個人之處, 跟廣東菜好唔同, 淨係潮州滷水食品及蠔仔粥已經夠令人著迷。午餐價錢更實惠鹵水拼盤 ($138)鹵水拼盤有滷水鵝件、滷水豬大腸、紅腸、豆腐、腩肉、猪耳及腎。先講個滷水汁, 滷水膽應該係滾咗好多年嘅陳年舊貨, 香料及鹹味像被年月淨化過, 變得香醇而不死鹹**滷水鵝 ~ 鵝件己起骨, 真係啖啖肉, 鵝件浸得入味, 滷水汁己滲曬入鵝肉內, 絕對唔係嗰啲求其浸一浸滷水汁, 跟住上檯就淋滷水汁上去那種行貨。**滷水豬大腸 ~ 滷得非常入味, 咪睇條腸中間完全冇肥膏, 但入口卻非常肥美, 既腍滑又油香。**紅腸 ~ 食加工野, 如果可以俾我換鵝腸就正了。**猪腩肉 ~ 甘香入味, 但一把年紀唔敢食咁多。 **豆腐 ~ 清香豆味及滷水汁, 係咁多樣中最健康的, 真係手快有手慢冇。**腎及猪耳 ~ 腎本身帶爽脆口感, 又有滷水嘅鹹香, 所以甚受
潮州菜真系好多個人之處, 跟廣東菜好唔同, 淨係潮州滷水食品及蠔仔粥已經夠令人著迷。
午餐價錢更實惠
鹵水拼盤 ($138)
鹵水拼盤有滷水鵝件、滷水豬大腸、紅腸、豆腐、腩肉、猪耳及腎。
先講個滷水汁, 滷水膽應該係滾咗好多年嘅陳年舊貨, 香料及鹹味像被年月淨化過, 變得香醇而不死鹹
**滷水鵝 ~ 鵝件己起骨, 真係啖啖肉, 鵝件浸得入味, 滷水汁己滲曬入鵝肉內, 絕對唔係嗰啲求其浸一浸滷水汁, 跟住上檯就淋滷水汁上去那種行貨。
**滷水豬大腸 ~ 滷得非常入味, 咪睇條腸中間完全冇肥膏, 但入口卻非常肥美, 既腍滑又油香。
**紅腸 ~ 食加工野, 如果可以俾我換鵝腸就正了。
**猪腩肉 ~ 甘香入味, 但一把年紀唔敢食咁多。
**豆腐 ~ 清香豆味及滷水汁, 係咁多樣中最健康的, 真係手快有手慢冇。
**腎及猪耳 ~ 腎本身帶爽脆口感, 又有滷水嘅鹹香, 所以甚受歡迎的食品。
鹽香烏魚 ($128)
今晚主角出場 ~ 黃油烏頭
大家看到魚肉上那些一點點的黃油嗎？呢個就係楊氏烏頭值錢之處, 鹽焗是最能呈現黃油烏頭嘅魚味及質感的烹調方法, 先將烏頭鹽焗至熟透, 再放入冰箱冷藏一陣子令魚肉收縮, 呢食法最能食到黃油既香, 魚肉既爽及魚汁既鮮
真正香港出品的楊氏黃油烏頭, 每一條都有出世紙呢, 認清呢個嘜頭先至係正貨.
不消十分鐘......
方魚芥蘭 ($65)
潮洲糖醋麵 ($78)
食潮菜又豈能少咗佢？
正宗潮州糖醋麵底部都會放上韭黃增香味
糖醋麵本身不經調味, 食時灑上糖及香醋伴食, 糖醋麵煎到脆卜卜, 酸酸甜甜好食又飽肚。
香煎蠔仔洛 ($78)
蠔仔洛與蠔仔粥之爭, 結果叫了蠔仔格, 即叫即做, 上臺熱辣辣香噴噴。
放左巧多蠔仔肉, 鮮甜爆汁, 粉洛煙煙韌韌有彈性, 好好味, 不過大家食時要小心點, 要慢慢食, 確保冇硬物先好吞, 因我食到少許蠔殼, 請師父多加小心處理。
馬蹄綠豆爽 ($22)
爽口清潤
張貼
