花圖 (已結業)

本地人超推薦👍🏻
就喺海港城！真係俾佢哋嘅味道驚艷到！
間舖裝修好高檔，價錢都幾合理，
同朋友食飯定係宴客都好啱～✨醬香泡騰鵝
鵝肉一定要趁熱食，肉質結實又多汁，
用辣椒乾、花椒呢啲香料做底，
上面鋪住啲似雲朵咁嘅蜜瓜味泡泡肉
再加埋特製青瓜醬，啲醬香完全滲入鵝肉度😋✨鳳巢京葱牛肉
京葱唔會辣，同糖絲+牛肉一齊炒，
一入口就爆出甜汁，跟住牛肉香出嚟🥰
成個餸嘅層次即刻豐富晒
牛肉又嫩又多汁，京葱嘅香味仲帶出獨特風味✨花圖和牛寶盒
其實係水煮牛肉，我最滿意嘅其中一道，
成鍋上仲有大豆芽、豆卜、唐芹，
啲牛肉勁入味！愈食愈上癮🔥用咗個好得意嘅碗裝住
頭先仲以為係裝飾品哈哈
其實係龍蝦湯底，入面有花膠鮑魚等等
鮮甜到不得了～✨濃湯瑤柱花膠浸菜苗
個雞湯勁濃，鋪滿瑤柱同花膠
配埋菜苗食好入味 清清哋又夠鮮✨花圖炒飯
呢個飯簡直係澱粉控福音！
🥹用泰國香米，飯粒粒分明，
黑松露香同飯香完美融合，
仲有牛肉粒同蝦嘅豐富口感，食一啖都覺得豪華！
🫕全香港真係搵唔到第二間整黑松露炒飯整得咁神嘅舖頭！👍🏻✨黃柑香橙卷
甜品叫咗招牌黃柑香橙卷，
酸酸甜甜咁
為今日呢餐畫上完美句號！