繼續尋找太子旺角區有甚麼素食，這次來到花園街這間搶眼的街角多士店 Tic Tac Toast，店內告示列出所有食材的來源地，兩款素食吐司的菇都來自荷蘭，香港很多大餐廳都未必用咁靚的材料呢！
外賣多士店位於花園街最旺個街角位，日日人來人往，裝修咁搶眼都好難錯過佢。
1
餐牌有兩款素食多蛋，算係方便又經濟的蛋奶素之選。
小店非常注重食材產地來源，有甚麼不放心可以自己望一望，大啡菇和磨菇都是來自荷蘭的進口貨，比很多高級食肆都講究。
T7 素食大啡菇多士 HK$38 / 拉絲薯角 HK$18 (s)
多士全部即叫即整，仲可以透過玻璃窗看到製作過程，麵包兩面添滿牛油煎至金黃色，大啡菇上面加塊半溶芝士，夾埋生菜和黑醋醬，看起來好像簡簡單單，咬落又幾有驚喜喎！細薯角份量都幾多，連皮薯角上面有芝士醬和兩款芝士，表面用火槍灼過，食落又真係芝味十足。
同場見到店員煎另一個拉絲芝士蘑菇多士order，蘑菇的份量都幾澎湃咁樣，下次再去試下先！
