MUM 日常野菜料理 (已結業)

這間素食餐廳搬左去新蒲崗之後第一次食，佢個位好難平日經過要特登去，不過係好食既不妨約朋友聚會一齊食。菜式以日本家常蔬食料理為主，冷熱盤自己揀三或四品，份量比想像中多，吃得出用心製作，每一啖都健康好味。餐廳位於新蒲崗，最近的地鐵是鑽石山站，那一帶搭巴士小巴更方便。裝修cozyy有大量綠色植物點綴，氣氛幾舒服。座位唔算好多，三十個以內，中間大檯可能要搭檯，多人用餐的話建議預先訂位。冷熱日式小菜有16款，可以自選三或四品，配飯、味噌湯和麥茶。四品 HK$129 / 三品 HK$108薑蔥汁煮茄子我最鍾意呢個薑蔥汁，幾適合撈飯！茄子有多舊，唔似平時食日本菜只有一粒仔，所以我好滿意。本來想叫五穀飯，但見好多人揀黃薑飯又試下，飯面果幾條薑絲原來有醃過，甜甜地唔會太辣，等我起初仲唔敢食。信田卷就是腐皮捲蔬食的意思，諗住影相靚就揀，入面有粗條紅蘿蔔、豆角和玉米筍。蘿蔔冬菇車麩關東煮這舊有肥豬肉即視感的就是麵麩，好入味幾正。另外仲有品我揀左野菜天婦羅，有冬菇、好大片南瓜和蓮藕，都幾好食。味道非常有驚喜的一餐，推薦你約朋友去感受一下。