影片
更多
2021-04-07
2552 瀏覽
意大利薄餅就食得多，日本Style的薄餅比較少見，這間創意日本餐廳就將味噌加入麵糰，配搭一系列不同口味特色薄餅，又幾有趣喎！如果午市時間來的話，還有好抵食的午市套餐呢。餐廳位於尖沙咀 The ONE 商場三樓，搭扶手電梯上去的話要轉好耐，坐升降機比較快捷，一出就見到。估唔到都幾大間，座位區使用木系桌椅，配搭灰色工業風水泥牆，感覺都幾中性幾有型格。室外位置也可以坐，天氣不太熱的話坐外面也不錯。門外面仲有一排面壁坐位，這邊有日光照進來，如果喜歡拍食物照的話坐這裡不錯。特選午市套餐賣 HK$78，這天Lunch time來到見到十個有十個都點Lunch Set，主食之外有附洋蔥湯和薯仔沙律。除了這一版的菜式，其他主食也可以加 HK$18 變套餐。甜品和飲品都是一些很日系的選項。自家製味噌麵團薄餅有13種口味，當中有三款沒有肉，正常係9吋也可以加錢升級12吋，另外仲可以加HK$10加溫泉蛋。這一版全部都係肉，只有一個味噌鮮菇手打意粉無。五芝士要素味噌麵團薄餅 HK$98 (加溫泉蛋 +HK$10)這個薄餅上面有水牛芝士、Taleggio塔雷吉歐芝士、意大利藍芝士、巴馬臣芝士和瑞可塔芝士，芝士控
意大利薄餅就食得多，日本Style的薄餅比較少見，這間創意日本餐廳就將味噌加入麵糰，配搭一系列不同口味特色薄餅，又幾有趣喎！如果午市時間來的話，還有好抵食的午市套餐呢。
餐廳位於尖沙咀 The ONE 商場三樓，搭扶手電梯上去的話要轉好耐，坐升降機比較快捷，一出就見到。
估唔到都幾大間，座位區使用木系桌椅，配搭灰色工業風水泥牆，感覺都幾中性幾有型格。
室外位置也可以坐，天氣不太熱的話坐外面也不錯。
門外面仲有一排面壁坐位，這邊有日光照進來，如果喜歡拍食物照的話坐這裡不錯。
特選午市套餐賣 HK$78，這天Lunch time來到見到十個有十個都點Lunch Set，主食之外有附洋蔥湯和薯仔沙律。除了這一版的菜式，其他主食也可以加 HK$18 變套餐。
甜品和飲品都是一些很日系的選項。
自家製味噌麵團薄餅有13種口味，當中有三款沒有肉，正常係9吋也可以加錢升級12吋，另外仲可以加HK$10加溫泉蛋。
這一版全部都係肉，只有一個味噌鮮菇手打意粉無。
五芝士要素味噌麵團薄餅 HK$98 (加溫泉蛋 +HK$10)
這個薄餅上面有水牛芝士、Taleggio塔雷吉歐芝士、意大利藍芝士、巴馬臣芝士和瑞可塔芝士，芝士控見到點會唔點？驚淨係食芝士太單調，加隻濃泉蛋豐富口感。
味噌薄餅底都幾薄，而且好有嚼勁，比平時食的薄餅底更有咬口！不過我覺得個餅底有點太鹹，因為上面已經五種芝士，連餅底都鹹有點太超過，可能係味噌味都唔定。
五要素意大利芝士蛋糕 HK$58
諗住叫個甜品試下，點知伏伏地，五要素我估係五味雜陳的意思，又鹹又苦又酸又甜，同平常吃的 Tiramisu 太唔同，唔太合我口味，或者你會鍾意都唔定。
入面都好多層，酒味很濃郁，個餅底幾鹹，忌廉唔太甜，中間還吃到橙皮，味道有點太複雜我 process 唔到。
在尖沙咀工作的朋友，如果想在商場吃個相對算經濟的午餐，可以給這間一個機會。
張貼
