首先，係招牌避風塘炒辣蟹，蟹殼紅卜卜好靚，未上枱已經聞到香味，蟹肉鮮甜，搭配特製的蒜蓉、香辣調味同香脆的炸蒜，味道層次非常豐富。每一口都能感受到蟹肉的嫩滑，辣味適中，令你食到停唔到口。
然後惹味BB乳鴿真係好正，外皮酥脆，肉質鮮嫩，咬落去啲肉質必晒出嚟，仲有淡淡嘅煙燻味，食得好開心。
最後，福建粉絲煲熱熱地上嚟，粉絲滑滑，吸咗濃郁的高湯，配埋新鮮嘅雞肉同青蔬，味道更fresh 。
今次嘅用餐無論係環境定係食物都充滿熱情，呢個體驗我好滿意，如果有朋友過嚟香港玩，我一定會帶佢去感受充滿本地特色嘅喜記。下次再來，我一定會再點呢幾樣好味！
