成都小巷 (已結業)

香港最抵食麻辣烤魚上線啦！放工後去左九龍灣淘太食飯，自己突然心血來潮想食成都嘅烤魚，經過一番搜尋，發現九龍灣淘太旁邊剛好有間雞煲/烤魚店，去到門口見到大大隻字寫住「家鄉烤魚半自助放題$118」，價錢非常吸引。餐廳入面冇咩防疫措施，包括隔板、酒精搓手液都冇，不過枱之間既距離夠闊，衛生情況可以接受。麻辣烤魚好大條啖啖肉，不過比較麻煩嘅係好多纖柔嘅骨，雖然整體味道幾辣，但仍然嘗到魚既鮮甜。配料有豆腐、豆卜、金針菇、娃娃菜同蕃茄，所有食材都非常吸汁，越辣越過癮。餐廳有三個大雪櫃，雪櫃裝滿多款飲品，啤酒、汽水、涼茶一應俱全。自助櫃有超過二十款食物，食完成盤烤魚已經有八九成飽，所以我只攞左兩碟左右，包括粟米、蘿蔔、紅腸、香腸同牛丸。除咗雞煲同烤魚外，餐廳仲有米線提供，餐廳所有食物都幾抵。