麦玉子

營業中

休息中

自己一向都鍾意食日本嘢，而且特別鍾意玉子，食壽司都會叫玉子壽司，自從知道一田裏邊開咗間轉系食玉子嘅食店，就一路都想食。佢呢度嘅玉子有好多口味揀，特別係明太子，我自己就鍾意食原味，所以就直情叫咗個兩人餐，同阿媽一齊食。兩人餐裏面包括吉列豬扒、炸雞球、玉子、壽喜燒，同埋湯。另外在外加兩罐可樂。吉列豬扒配上豬扒汁，熱辣辣的豬扒混合埋酸酸甜甜的豬扒汁，唔會令人覺得好油膩反而會覺得好開胃，幾好食。炸雞球都一樣，都係非常好食。壽喜燒，我好鍾意食佢啲牛肉，因為個湯甜甜的，再配上好滑的牛肉，正好同頭先個吉列豬扒形成一個對比。最後就一定要提過玉子，個玉子超大，二人餐有六大件，密密麻麻的蛋醬交織出一件厚厚的玉子，而且有超濃郁嘅蛋味，甜甜的，幾好食。