尖沙咀開左間以熱石做主打既牛排工房，
中意日文化既我， 聽到呢個好消息就即刻去朝聖喇～
以漢字「無極」命名，充滿日本特色，自從係日本食過熱石牛，就一直對佢念念不忘，終於可以係香港一嚐所願。
地方坐到二三十人左右，坐位唔多，但勝在每個坐位都有一定空間感，唔會好迫，方便出入。
1
有四款牛肉選擇，可以加$轉套餐，包沙律、飲品、湯同白飯，沙律同白飯都可以任加。
醬料區，超過數大款醬料任調，因應個人喜好自由調配，
如果諗唔到加咩，都可以參考餐廳展示既建議食用方法。
沙律可以配沙律酸汁或者胡麻醬，個人比較中意胡麻醬。
我最期待的畫面出現了！熱石牛柳登場，因為上菜果陣係半熟狀態，所以軟硬度就由自己自由控制～
熱石牛柳，口感偏軟熟，而且冇任何脂肪位，對於我呢個唔食脂肪既人黎講岩晒ＸＤ
肉嫩多汁，牛味香口濃郁，超正！建議燒至６７成熟，如果全熟口感就有啲似叉燒，
醬汁方面，建議配燒汁＋日式醋汁一齊食，味道會更有層次～
套餐既飲品有罐裝飲品同烏龍茶揀～
