土司工坊 (已結業)

第一次食toast box 係係泰國, 一見到佢已經比佢d麵包吸引住. 當尖沙咀餐開既時候曾經好想去. 不過上次去到無得食. 之後都的唔起心肝再去... 估唔到原來佢已經進駐左銅鑼灣, 咁啱又下午茶時間, 即刻入去試試先.叫左個花生醬土司 + 黑咖啡.... 其實我唔知黑白咖啡有咩分別, 只不過我唔想係落煉奶, 黑咖啡好似安全d. 不過黎到先發現佢係咩奶都無落. 出到去問個哥哥仔可唔可以額外比個花奶我. 佢同我講: 已經落左嫁喇喎~~~ 不過佢望一望我, 都係另外比一杯我. 仲要比我之前好細心用熱水沖沖隻杯先比我. 讚~~~咖啡好香, 好味!!之後上枱既係花生醬土司套餐. 估唔到以呢個價錢有咁多野食喎~~~ 蛋我無食, 不過見到個樣都好似唔错咁. 花生醬不嬲都好好味, 熱既就更加好~~~ 不過我覺得佢塊方包唔夠厚, 如果可以再厚d就好喇~~~我見到坐係我隔離食嗰粉喇沙都幾好味. 下次有機會要試下.