龍門一番 上海·紫砂燉湯 (已結業)

朋友極力推介呢間上海菜,於是抱著好奇既心態去試試~~餐廳地址位於荃灣既中染大廈,經愉景新城行過去,不算難找..餐廳裝潢都比較特別,有自己既風格~坐底後,員工比左幾種茶包我們每人一包去選,每人都可以選擇自己喜歡的茶,好開心丫~~打開menu,沖左幾樣菜,龍門一番主打紫砂燉湯,而且見近日天氣都好乾燥,所以一於試下d滋潤補身既湯先,花膠螺頭干貝燉雲吞雞湯.....聽個名已經覺得好鬼滋潤..一開蓋,見到好大鍋,雞湯好濃,湯料豐富十足,除了雞肉之外，當然還有花膠螺頭!!配上雲吞滑溜爽口~~2人每人分別飲左成3碗,好滿足~麻婆豆腐,我個人喜歡吃辣，但不能食太辣,呢一道麻婆豆腐正合我心意..夏天時吃,它令人開胃; 冬天時吃,就令人暖胃~~豆腐質感幼滑,豆瓣醬份量剛好,下次黎一定會再點~~最後,我地仲點左2杯飲品,分別係養生紅棗茶，甘筍雪梨蘋果茶,一樣咁滋潤,值回價錢~~