船皇 (厚福街)

尖沙咀除咗韓國街多餐廳，厚福街都有好多選擇
因為太耐冇去旅行嘅關係，想食啲有異國風情嘅食物，就揀咗呢間泰式餐廳

比較貪心就叫左船皇湯麵

入面咩都有，有牛腩、牛肉片、牛肉丸、豬肉丸同雞翼等等
湯底味道都幾濃厚，而我地配左河粉，係泰國濕炒果款大大片河粉

朋友就叫咗雞絲雞翼撈金邊粉

雞翼好入味同炆到淋身，非常唔錯
而金邊粉都夠爽身

我哋都有加到魷魚鬚、沙嗲雞肉串燒小食

魷魚唔單止辣醬惹味，而且又新鮮彈牙

飲品賣相都好特別，龍眼冰以碗呈上，有新鮮感