黑樺牛 (已結業)

Bookmark!!!聽住悠揚嘅音樂，餐廳已木製枱椅做主調，好有日本風情！Family day梗係食好啲🥰海鮮拼盤原隻生蠔、海蝦、扇貝，放喺錫紙上面，一滴水都無加，以蒸焗嘅方式來煮熟，有埋計時器，16分鐘就食得，店員會幫我哋開殼，熱騰騰非常香，鮮味十足！嚟得呢度梗係主力食熊本黑樺和牛，我哋選擇咗鰹魚昆布湯，微甜嘅湯底清清地好適合🙌🏻特上霜降牛小排、上肩胛肉、肩胛梅花、牛小排、後腰肉、牛前胸、牛頸脊，款款都勁香油脂。薄切嘅牛小排，零舍嫩滑。牛頸脊、後腰肉就濃味厚實，而且冇乜筋，入口咇晒啲油脂，鍾意口感，呢款就啱晒！外面自助區仲可以任攞飲品、雪糕、雪條、店家自製沙冰。個個都好滿足🥰