豪城茶餐廳 (已結業)

朋友一直話深水埗嘅格仔餅好好味，今日因為去開西九所以順便問一問喺邊，佢話唔記得咩名淨係知寶血醫院附近，即刻上網search好快就搵到呢間茶餐廳。前面有兩個人等緊，不過好快就整好一底，等左10分鐘左右就有熱辣辣嘅格仔餅食喇。我仲叫佢比多啲醬添食落口有少少脆脆地，好味！話說宜家已經好少地方可以食到脆嘅格仔餅，以前尖東北角雞蛋仔係其中一格，不過愈黎愈貴又唔好味。宜家發現左呢一間格仔格，好味又抵食，以後去開附近一定會再食！