串爆

今次去左廣華街食好西，四川麻辣串串放題，係香港好少有既麻辣燙任食。

餐廳用木枱，裝修非常成都中國風。

貌似半張A4紙睇晒有咩食，但係要試晒全部都真係超級飽。

首先，有成廿幾種食材可以揀，然後再可以揀辣既程度，作為唔食得辣但又鐘意食辣既人，今次叫左BB辣，相等於譚仔10小差唔多。仲有10款小食可以選擇。太辣可以加錢任飲飲品，真係辣到出汗，唔叫唔得。

waiter仲好貼心咁問我地食唔食牛肉麵同埋冰粉。估唔到牛肉麵有驚喜，牛肉炆到超入味，麵條亦非常Q彈。冰粉類似啫喱咁，可以解辣。