帽子珈琲

營業中

休息中

鍾意得意野鍾意打卡的人都即刻bookmark低，這間咖啡店的手繪咖啡要去拜會一下。位處西營盤電車路旁邊，地鐵站B3出口行過去幾分鐘，對面就係NOC。店面非常細小只有幾個座位。坐滿人基本上連轉身都難，感覺非常cozy。老闆一個人主理，又要畫咖啡又要煮野食真係分身不暇，所以最近都請了part-time。Latte HK$35老闆話基本上有奶我飲品都可以畫公仔，咖啡都賣得算平，因為要畫花的關係，口感跟平常的Latte略有不同。這次沒有指定公仔，老闆自由發揮得到應該係line貼圖隻兔Cony。黑色線條係朱古力漿之類，胭脂係食用色素。老闆都畫得算快，畫的時候影下相拍下片就有得飲了。