影片
更多
2020-06-05
3376 瀏覽
我完全不知道深水埗這個位置有間精品酒店啊！明明只係我屋企隔離條街 XD以仙人掌為主題的迷你酒店樓下有間咖啡店，舊年開過一排又收左，終於五月頭又再開返。小店最特別的地方是由韓國人主理，落單的時候要講英文或者襟沙咪，咖啡飲品都走韓風創意路線。咖啡店入面座位不多，旁邊則是一條畫滿塗鴉的後巷，鍾意影相打卡的少女們不要錯過。海壇街這個位置旁邊有買賣爛銅爛鐵的鋪頭，太淑女的可能唔敢亂行。從後巷行入去係精品酒店門口，Kactus Koffee 就在路口，好容易搵。咖啡店面積不大，用盡每分每吋空間都只係得十個座位左右。室內空間呈長方形，近門口處就係咖啡吧檯，靠窗處有一排四個向街位，其他座位都唔會太闊落。咖啡飲品都是韓式風格，同香港平時飲開品種有少少唔同。Espresso 系列無 Latte 但有 Double Flat White，不過就無拉花既。非咖啡系列都以飲色彩漸層為主，包括幾適合夏天的柚子咖啡。食物有沙律、吐司和兩款甜品，可以叫套餐價錢就抵d。要注意店內所有冷熱飲品都用外帶杯，好似只有 Affofato 係的內用杯，環保一點建議你自備杯子去飲啊，想靚就買定隻透明杯囉。後巷幅塗鴉牆好繽紛，牆邊放
我完全不知道深水埗這個位置有間精品酒店啊！明明只係我屋企隔離條街 XD
以仙人掌為主題的迷你酒店樓下有間咖啡店，舊年開過一排又收左，終於五月頭又再開返。小店最特別的地方是由韓國人主理，落單的時候要講英文或者襟沙咪，咖啡飲品都走韓風創意路線。咖啡店入面座位不多，旁邊則是一條畫滿塗鴉的後巷，鍾意影相打卡的少女們不要錯過。
海壇街這個位置旁邊有買賣爛銅爛鐵的鋪頭，太淑女的可能唔敢亂行。從後巷行入去係精品酒店門口，Kactus Koffee 就在路口，好容易搵。
咖啡店面積不大，用盡每分每吋空間都只係得十個座位左右。室內空間呈長方形，近門口處就係咖啡吧檯，靠窗處有一排四個向街位，其他座位都唔會太闊落。
咖啡飲品都是韓式風格，同香港平時飲開品種有少少唔同。Espresso 系列無 Latte 但有 Double Flat White，不過就無拉花既。非咖啡系列都以飲色彩漸層為主，包括幾適合夏天的柚子咖啡。食物有沙律、吐司和兩款甜品，可以叫套餐價錢就抵d。
要注意店內所有冷熱飲品都用外帶杯，好似只有 Affofato 係的內用杯，環保一點建議你自備杯子去飲啊，想靚就買定隻透明杯囉。
後巷幅塗鴉牆好繽紛，牆邊放左兩棵仙人掌和幾個木箱，可以坐低影打卡相。後巷位置仲有幾張檯和一些椅子，唔介意都可以坐外面，我下午3點幾過去無太陽直照仲勁好風，所以感覺幾舒服。再行入少少位置仲有更多大盆仙人掌，有日光影相都幾靚，可以玩下不同構圖。
不過這條後巷原來都幾人來人往，我在這邊用手機倒數自拍的時候，有南亞人推住大雪櫃經過兩次，再加上有阿姨拉住紙箱經過...
雖然附近人流可能有少少複雜，不過環境都算乾淨既。
張貼
