囍 (已結業)

囍新開張時已經好想來吃，但聽講水準不太穩定，時好時壞，所以我們都等開了快兩個月才來試！餐廳面積都幾大，成個感覺好闊落，坐得都幾舒服，適合一家人、一班朋友一齊來吃！我們點左$168套餐，有牛有豬又有雞，還有仼食的蔬菜和火鍋配菜，連飲品甜品都是仼食，這個價錢來說相當抵呢！牛舌也包括喺套餐肉，切成長方形的牛舌，不會太厚，煮一下就食得，好爽口，估唔到牛舌打邊爐咁食，味道都幾好！主打黃金雞，雞望落好新鮮，雞皮帶有金黃色。店員會幫忙落雞，然後用漏斗計時，夠鐘後關火再焗一下就食得！雞肉好軟滑，咬落每口也是肉，肉質絕對不嚡，相信時間掌握好重要！每次上半隻雞，都幾多。豚肉都唔錯，肉質夠腍，薄切，輕輕一灼就食得，質數都幾好！菜有好多種款式，仼食仼拎，最重要係菜好新鮮，晤見有爛菜，幾好！仲有丸類都有唔少選擇！飲品款式係大眾化嘅類型，飲品飲幾盒都已經回本了。