囍 (已結業)

雖然依家正值夏天，但亦都無損我熱愛打邊爐嘅心情！成家人一齊，最開心就係圍住個爐十下十下！前幾日上網見到呢間餐廳，係香港仔難得嘅打邊爐好地方，決定同屋企人黎試吓好唔好味。一入到餐廳，見到個場勁大，勁多位坐，座位舒適，光線光猛。坐落無耐點完餐，就即刻出去攞嘢食。呢度有好多款菜，有我最鍾意食嘅生菜，洗得都幾乾淨，綠油油嘅一片。估唔到呢度連紫番薯都有，見到即刻勁開心！連熟食嘅選擇都唔少，不過我反而鍾意呢個沙律，打到一半邊爐食下沙律，成個人refresh哂！呢度嘅招牌黃金雞更加唔使講，咬落彈下彈下，最平仲充滿油香，最正係佢滲哂椰子味，我哋總共叫咗三轉雞，即係一隻半，食到勁飽！非常之滿足！仲有我哋嗌左個鵝腸，好爽口，而且清洗得好乾淨，食得好安心。