鮨政 (已結業)

香港仔從來都係麻雀雖少但五藏俱全嘅地方, 隨便都數得出十度8度食壽司剌身十度8度地方, 但係講最好的一定係--鮨政--堅持只做午市,晚市, 有中場休息的已經知道佢幾有日本人嘅執著, 完全唔係果D食飽趕你走,爭分奪秒賺得一蚊得一蚊嘅生意就係依份執著, 食物當然有保證 !第一次光顧果時, 發現有日本師傅坐鎮真係好驚訝, 香港仔竟然有間咁嘅鋪? 好有隱世藏龍嘅感覺仲見到拖住喼嘅日本熟客同師傅溝通, 侍應用日文對答, 完完全全好似置身日本咁今次叫左個最平嘅lunch set, 有前菜, 壽司, 湯烏冬, 蒸蛋前菜係漬牛蒡, 係需時,花功夫處理嘅心機菜壽司每件都係手握, 壽司飯粒粒分明, 醋嘅比例啱啱好, 就咁淨食飯已經好好味, 再加埋D魚生夠新鮮, 完全打破性價比.個湯烏冬係木魚湯底, 清得黎好甜, 加上細細粒嘅炸漿粒, 彈牙嘅烏冬, 簡單得黎好好好食....好食到完全唔記得影相蒸蛋熱辣辣, 微微嘅味淋味(少少就啱晒我), 滑到直入落嘅蛋, 無可挑剔 !