影片
更多
2019-04-19
42 瀏覽
同朋友約咗食飯，點知佢要帶OT，捱下義氣入去佢公司附近搵去食飯，陪佢吹下水聽佢訴苦啦。九展呢個地方唔係經常去，最初以為冇嘢好食，點知原來佢2樓開咗好多餐廳。行經依間老夫子餐廳，見到佢新開張試業中，加埋裝修好有特色，充滿着老夫子漫畫嘅特色，壁畫仲有老夫子人物嘅剪影添。望吓餐牌，見到主要係食小菜。選擇都好多，應該都會搵到自己想食嘅嘢。降龍18掌之豬豬手 $68一睇個名就知係搞笑嘅，你個名咁盞鬼，加上我同朋友都係豬手控，我哋都決定叫一過嚟試吓。叫咗冇耐就上菜，速度快有幾有效率。飯嘅份量好多，一上枱嚇親我同朋友，呢個份量基本上大男人食都夠飽，唔怕會餓親!!! 豬手都好對板，一上枱好香聞到已經想食，加上份量好足夠件數有多，我同朋友都唔怕唔夠分。唯一美中不足係豬手有一兩件仲有冇，哈哈睇嚟廚師都要幫豬手好好做返脫毛先得喇!!!老夫子三寶蝦醬豬頸肉煲仔飯 $88難得天氣今日轉冷，根本就係食譜仔飯嘅好時間，喺門口已經見到有熱辣辣煲仔飯賣，心癮起當然要食一個啦。煲仔飯即叫即製，所以要等耐少少，大概15至20分鐘左右就送到上枱，我哋啱啱食完豬手時間真係啱啱好。煲仔飯好香，有白飯魚乾同魚乾，加埋豬頸肉，配搭
九展呢個地方唔係經常去，最初以為冇嘢好食，點知原來佢2樓開咗好多餐廳。行經依間老夫子餐廳，見到佢新開張試業中，加埋裝修好有特色，充滿着老夫子漫畫嘅特色，壁畫仲有老夫子人物嘅剪影添。
望吓餐牌，見到主要係食小菜。選擇都好多，應該都會搵到自己想食嘅嘢。
降龍18掌之豬豬手 $68
一睇個名就知係搞笑嘅，你個名咁盞鬼，加上我同朋友都係豬手控，我哋都決定叫一過嚟試吓。叫咗冇耐就上菜，速度快有幾有效率。飯嘅份量好多，一上枱嚇親我同朋友，呢個份量基本上大男人食都夠飽，唔怕會餓親!!! 豬手都好對板，一上枱好香聞到已經想食，加上份量好足夠件數有多，我同朋友都唔怕唔夠分。唯一美中不足係豬手有一兩件仲有冇，哈哈睇嚟廚師都要幫豬手好好做返脫毛先得喇!!!
老夫子三寶蝦醬豬頸肉煲仔飯 $88
難得天氣今日轉冷，根本就係食譜仔飯嘅好時間，喺門口已經見到有熱辣辣煲仔飯賣，心癮起當然要食一個啦。煲仔飯即叫即製，所以要等耐少少，大概15至20分鐘左右就送到上枱，我哋啱啱食完豬手時間真係啱啱好。煲仔飯好香，有白飯魚乾同魚乾，加埋豬頸肉，配搭幾新鮮丫。朋友特別鍾意食白飯魚竿，份量好多朋友又食得勁開心。當然如果是又可以多啲就夠好啦，食都咁上下覺得有啲唔夠汁。唔記得講呢個煲仔飯仲有飯焦，估唔到喺茶餐廳都食到有飯焦嘅煲仔飯。
整體來講，老夫子餐廳真係有驚喜。老實講，本身唔抱太大期望，點知無論食法定環境都令人有驚喜。其實而家emax睇戲同行outlet都好方便，做唔使同人迫，如果行開過嚟呢邊食飯都係一個唔錯嘅選擇啊，起碼唔使等位先啦哈哈。
張貼
