影片
更多
2021-10-12
1120 瀏覽
第一次行入翻新後的中環街市，原來入面由好多飲飲食食小店組成，平日午餐過後都幾多人行經，見飲品店就停低八下買杯飲咁，我就揀左這間台式珍珠奶茶。我係由中環往半山行人電梯果邊的行人天橋過去，所以一入就到二樓，轉過 Slowood 果邊行兩步就見到茶古道。飲品以奶茶為主，朋友本來想試果茶，但一問之下原來無新鮮水果所以放棄左，都係飲返珍珠奶茶。飲品有分中杯和大杯。近日飲品店跟本地爆谷品牌有活動，買任何飲品加 HK$28就可以換購一包爆谷，口味都幾有趣喎！我揀左包麻辣芝士味，睇返成分又幾天然，這個鹹味仲無落糖，又用椰子油，感覺幾健康。黃金蕎麥胚芽黑玉奶茶 HK$42落單的時候唔記得嗌少甜，好采飲落都唔太甜，我鍾意有胚芽咬下，夾埋珍珠口感唔錯，不過我覺得茶味可以再重一點。黑糖黑玉鮮牛乳 HK$38朋友唔飲茶就飲經典的黑糖鮮奶，有黑糖掛杯影相幾靚，味道亦很香濃。杯蓋有這個特別設計，可以卡實個蓋唔會飛飛下，飲唔晒又可以關上。中環街市入面的小店又幾多幾有，搵日再去逛下有咩得意野先。
第一次行入翻新後的中環街市，原來入面由好多飲飲食食小店組成，平日午餐過後都幾多人行經，見飲品店就停低八下買杯飲咁，我就揀左這間台式珍珠奶茶。
我係由中環往半山行人電梯果邊的行人天橋過去，所以一入就到二樓，轉過 Slowood 果邊行兩步就見到茶古道。
飲品以奶茶為主，朋友本來想試果茶，但一問之下原來無新鮮水果所以放棄左，都係飲返珍珠奶茶。
飲品有分中杯和大杯。
近日飲品店跟本地爆谷品牌有活動，買任何飲品加 HK$28就可以換購一包爆谷，口味都幾有趣喎！
我揀左包麻辣芝士味，睇返成分又幾天然，這個鹹味仲無落糖，又用椰子油，感覺幾健康。
黃金蕎麥胚芽黑玉奶茶 HK$42
落單的時候唔記得嗌少甜，好采飲落都唔太甜，我鍾意有胚芽咬下，夾埋珍珠口感唔錯，不過我覺得茶味可以再重一點。
黑糖黑玉鮮牛乳 HK$38
朋友唔飲茶就飲經典的黑糖鮮奶，有黑糖掛杯影相幾靚，味道亦很香濃。
杯蓋有這個特別設計，可以卡實個蓋唔會飛飛下，飲唔晒又可以關上。
中環街市入面的小店又幾多幾有，搵日再去逛下有咩得意野先。
張貼
